Nú er stubbastund

Ég þarf víst að hanga heima einn dag í viðbót, búin að vera heima með mömmu síðan á föstudaginn. Svo ég er bara búin að koma mér fyrir í stólnum mínum og er að horfa á stubbana einu sinni enn. Þetta er sko uppáhaldsspólan mín og ég veit alveg hvenær ég vil horfa á hana. Áðan kveikti mamma á einhverjum öðrum barnatíma, ég horfði á hann í smástund en svo var hann bara ekkert skemmtilegur, svo ég kom til mömmu og sagði "e-ee-ehe", sem þýðir augljóslega "mamma þetta er ekki skemmtilegt, viltu setja stubbana".