mánudagur, maí 05, 2008

Stundum fer maður á kostum

Í gær var ég að leika við tvær vinkonur, við vorum í skólaleik og skólinn var í ferðalagi þar sem átti að fara að gista. Ég var kennarinn og þegar var kominn háttatími í leiknum þá sagði ég, "jæja farið nú að sofa krakkar mínir, þið megið reikna uppi í rúmi". Ég var sko ótrúlega góður kennari að leyfa þeim það.

En á föstudaginn, þá var Guðmundur Steinn kominn með eyrnabólgu og það lak ógeð út úr eyranu á honum. Ég var við hliðina á honum í bílnum og var eitthvað að fárast yfir þessu, svo mamma fór að segja mér frá því þegar ég var lítil og fékk eyrnabólgur. Svo spjölluðum við eitthvað um það, svo langaði mig að heyra fleiri sögur og sagði við mömmu, "segðu mér meira frá því ég var lítil, samt ekki um eyrnabólgu, ég fæ taugaáfall ef ég heyri meira um eyrnabólgu!"

3 ummæli:

  1. Nafnlaus11:02 f.h.

    Hahhaha, þú ert alger snilli :D

    SvaraEyða
  2. Taugaáfall, híhí. Þú ert svo sniðug stelpa.

    SvaraEyða
  3. Nafnlaus12:13 e.h.

    dramadrottningin lætur ekki að sér hæða

    SvaraEyða