Loksins

Eins og það er gaman að fara í sumarfrí, þá er eiginlega ennþá skemmtilegra að fara aftur í leikskólann. Ég er búin að vera að vakna seinna og seinna á morgnana, í gærmorgun vaknaði ég til dæmis klukkan hálftíu, skreið þá fram í sófa og kúrði undir sæng fyrir framan teiknimyndir. En í morgun stóð ég fullklædd og tilbúin við rúmið hjá mömmu klukkan átta og sagði, eigum við ekki bara að drífa okkur! Og það var sko ekki amalegt að mæta í leikskólann og fá þvílíku knúsin og hlýju móttökurnar, ég held að ég sé með bestu leikskólakennara í heimi.